(الطابق العلوي بعد منتصف الليل)
الجزء الثالث و الأخير :
في حاجة بتجرني لفوق انا طالع اه بس من جوايا مش عايز اطلع، زي ميكون في حد بيزئني انا هوصف ايه ! مهما حكيت عن الرياح الخفيفة الباردة الي نازلة من فوق مش هقدر اقولكم ازاي كان احساسي اتخيل نفسك كدا ف مكان ديق و في حد انت مش شيفه مش بيخليك تطلع اتخيل انك مش قادر تاخد نفسك،، ديق مفاجئ ف صدري ،،
طلعت شوية شوية ايديا على الحيط كان ظلام مش قادر اشوف حاجة ملقتش غير الحيط امسك فيه ، كنت مستغرب من الي حاسه ، البت و الواد طلعو لفوق ازاي محسوش كدا زيّي!! بعدين هما من اول ما طلعو مطلعوش صوت ولا كإنهم موجودين ،،
وصلت اول ما حطيت رجلي الشمال على ارضية الطابق العلوي سمعت انين انين رهيب بعدين اختفى لاسرعة ،مشيت بالراحة في الظلام حاولت ادور على نور اشغله بس النور كان مش بيشتغل ! البيت فوق على قد مقدرت اشوفه في الظلمة مكنش عليه ولا حبّة غبرة انا كنت حفيان و حاسس لمست العفش مع اني مكنتش متأكد من الي بلمسو بسبب الظلمة بس كانت كل حاجة موضبة لا غبرة ولا وسخ كأن في حد ساكن البيت دا من زمان عكس الطابق الأرضي تماما ،
ناديت بصوت خفيف : هاي انت ما خلاص انت هتبات ولا ايه !
مكنش ببرعب عليا ، وقفت في الصالون بنادي عليت صوتي : كريم انا بكلمك اطلع مش هينفع تبات هنا لو شافنا صاحب فوق هيوديني انا ف داهيا اه ما انت ابن الباشا
لما كنت بتكلم حسيت بالريح الباردة دي بتزيد من ورايا حاسسها ف رقبتي زي النفس
لفيت بسرعة بصيت ورايا فكرت انو كريم بيستعبط بس ملقتش حد ورايا ! ، رجعت ناديت ولما ملقيتش رد قررت انا ادخل الاوظة ، اه نسيت اقولوكم هو كان في اوظة وحدة فوق ، قربت ع الباب بالراحة مسمعتش ولا صوت دقيت بشويش بعدين زودت الخبط ع الباب ،،
بعد حوالي دقيقة واحدة سمعت نفس الانين الي سمعتو اول ما طلعت الطابق الانين كان شبه صوت كريم ،، فتحت الباب بسرعة
الاوظة ظلام مكنش شايف كويس بس الصوت قريب مني ،دورت ف الاوظة الصوت جاي من جمب السرير نزلت على ركبي لقيت كريم مرمي ع الارض و كان دا صوت انين كريم حولت افهم منو مالو بس مقدرتش اعرف منو ولا حاجة بس كان بينطق بإسم البت الي كانت معاه بيقولي سارة سارة بس مكنش النطق سليم و عرفت وقتها انه مشلول او ف حالة صدمة جسمع كله مش بيتحرك بس عينيه مفتوحة و بيبص لناحية السرير ساعدتو عشان اقومو قلتلو مالها سارة هي الي عملت فيك كدا ! بس كريم كان باصص للسرير كأنه بيقولي في حاجة هناك لفيت بسرعة عشان اشوف في ايه اتفزعت و اتصدمت صدمة حياتي اول مرة اشوف المنظر دا سارة على السرير دم ف مناخيرها و ازازة مغروسة ف قلبها و الدم طالع من بقها الدم مغرق السرير
رجعت لورى وقعت ع الارض جمب كريم فضلت مش قادر انطق بحرف بصيت لكريم و الكلام مش عارف يطلع من بقي قلتلة
إن إن إنت ! انت قتل قتلة سارة !!!!!! اححنا رحنا ف داهيه ما تنطقق يا بني ادم حرام عليك عيطت و صرخت جامد في وش كريم
بس كريم كان مبيردش و الدم نازل من عينه انينه بيزيد كان بيعيط
كان عايز يقول حاجة بس مش قادر
وقفت و قلتله لازم ابلغ البوليس و مشيت بسرعة ناحية الباب عشان اخرج من الاوظة طلعت بسرعة فجأة سمعت صوت غريب صوت خطوات ماشية ورايا لفيت ورايا مفيش حد!
رجعت مشيت شوية نفس الصوت ورايا لفيت جسم غريب عدا بسرعة مقدرتش اشوفه حسيت بيه
رجعت لفيت لقدامي نفس الجسم دا عدا من قدامي رجعت خطوتين لورا وقعت ! قمت بسرعة ف نفس اللحظة هبت ريح قوية جدااا باااردة ف عز الطقس الحر اه واللهيي ريحت الموت مالية المكان رجلي نفس الديق بدات اخد شهيق و زفيت بقوة رجلي تقيلة جدا مش قادر احركها قشعر جسمي حاولت امشي و فعلا مشيت خطوة بس و رجع عدى من قدامي نفس الجسم الغريب المخيف مقدرتش اتحمل صرخت صوتي مش بيطلع !! حاولت اصرخ اصرخ صوتي كان ضعييييف جدا في طاقة ابتلعت صوتي ! في حاجة غير طبيعية فهمت ان البيت مسكون
بدأت أقرأ المعوذتين في قلبي لساني حسيتو مش بيتحرك بسهولة ثقيييل اتزقيت من حد وقعت ع الارض بس مبطلتش قراءة قران في قلبي بعدين حاولت بكل جهدي اني انطق ولو شوية قرآن بدات حاولت قرأت فجأة لقيت صوتي بيزيد بيعلى بيعلى اكتر الديق بيروح شوي شوي حاولت اوقم مشيت على ركبي ناحية السلم للأسف مش فاكر حاجة !! اخر حاجة شفتها اني بزحف زحف ناحية السلم بعدين حاجة غريبة نزلت عليا تقيييلة جدا بعدين مفتكرتش حاجة اغمى عليا ولا ايه معرفش صحيت لقيت نفسي في الصالون مرمي جسمي كله تعبان عظامي مكسرة كأني لسا خارج من خناقة آلام ف جسمي رهييبة لمست لقيت ايدي ووشي مجروحين انا مضروب !! ازاي اتضربت مش عارف انا صحيت لقيت نفسي كدا حاولت انهض و على طول اتزكرت ان لازم اقرأ قرآن مشيت شوية شوية رجلي مضروبة اخر الم ف ضهري انا اكلت قتلة بس مش عارف من مين ،،
مشيت نحية الأوظة قلت ع الأقل مموتش
كريم في مكانه متحركش قعدت جمبه و كنت تقريبا فاقد الامل و مش عارف هطلع و لا هموت، قلتله انا عرفت دلوقتي ليه صاحب البيت قلّنا متطلعوش فوق انا عرفت ليه و فهمته البيت مسكون يا كريم و احنا وقعنا فيه ، كريم انت حصل معاك كدا ازاي ! و مين الي قتل سارة انت ?
كريم كان باصصلي و أشرلي بدماغه يمين و شمال "لا"
طب كريم حاول تقرأ قرآن حاول ارجوك احنا لازم نتساعد عشان نحاول نطلع ياسين سبته مية من الشرب تحت نايم زي الميت مش عارف صحي ولا لاءا بس المشكلة ان الصوت مبيوصلش لتحت الطابق دا منعزل عن العالم يلا حاول ارجوك اقرأ قرآن و انا معاك
بصلي كريم اشرلي بدماغه انه حيحاول يقرأ قرآن بس بعد اكتر من ربع ساعة ارتفع صوت كريم شوية قلي خلينا نطلع من الاوظة دي بسرعة الشلل الي كان في جسمه راح او الاوضح ان ده مش شلشل حقيقي كان شيئ غريب مانع كريم من الحركة و مع كلمات القرآن راح الشلل بالتدريج بعد اكتر من ربع ساعة
وقفنا بالراحة و كنا ساندين في بعد و بنقرأ قرآن كريم رجع شاف سارة وقع و هو بيبصلها مسكت ايده و قلتله الله يرحمها مش هنقدر نعمل حاجة لازم ننقذ نفسنا كريم مسك في ايدي اتسند عليا و قام قلي : عمر مش انا قتلتها واللهي انا قلتلة عارف انك مش انت مسدقك امشي يلا واحنا ماشيين اتقف علينا باب الأوظة بقوة و نفس الرياح زقتنا لورا وقعنا احنا الاتنين
كان الفجر قرب يذن جات في بالي فكرة و فشلة حاولت انزل من الشباك بس كان عالي و مقدرناش نرمي نفسنا من قوق
قرب اذان الفجر قلت اكيد في ناس معدية من تحت فتحت الدولاب لقيت شوية هدوم اخدتهم و رميت منهم لتحت لقيت برفنات و مكياج رميتهم كلهم كنت عايز اعمل اي حاجة الفت بيها نظر الي معدي بس مكنش في ناس اصلا في الشارع ،،
حاولت انا و كريم نفتح الباب حاولنا نكسرو فشلنا قعدنا و فقدنا الامل النور بدأ يدخل الاوظة ادن الفجر بصينا لباب الاوظة اتفتح بشويش لوحده كأن في حد ماسكه و لما سمع الأذان سابه و هرب بسرعة
رحنا جري طلعنا من الباب منظر رهيب في الشقة النور داخل من الشبابيت دم ع الارض و ع الحيطان بصيت انا و كريم وقتها بخوف منظر مقزز فعلا و نزلنا جري ع السلم لقيت باب البيت مفتوح و ياسين واقف برا اول ما شافني قلي انت هنا !!!!!! انا صحيت الساعة 3 و ما لقيتكش طلعت ادور عليك و كلمت كل صحابنا سألتهم عنك و كمان موبايلك في اوظتك بجد خضيتني، كريم معاك كمان !!! انتو ليه منظركم كدا!! ،، ياسين مكنش فاهم حاجة اصلا
حكتله عن كل الي حصل كلمنا صاحب الشقة و حكناله اننا هنبلغ البوليس بس هو منعنا قلنا الي يموت هناك مبيرجعش و ان احنا محظوظين اننا نفدنا و مكنش مسدق طلعنا ازاي و قلّنا لو عاوزين تيجيبو لنفسكو وجع دماغ كلموهم اصلا مش هيلاقو حاجة ،
مفهمناش حاجة من الراجل الغريب ده ، اخدنا شنطنا و طلعت انا و صحبي من البيت و سبناه هو جوا البيت لوحدو .